Փետրվարյան ամփոփում

• Փետրվար ամսին մեկնարկեց 3-րդ ուսումնական շրջանը ու սկսվեց ամենամյա կրթական գործընթացը միջին և ավագ դպրոցներում: Միջին դպրոցում հիմնականում սովորղների հետ անցնում էին համաշխարհային պատմությունից վերածննդի դարաշրջանի մշակութային նվաճումները դրա նախադրյալները և այն գեղագիտական չափորոշիցները, որ իր հետ բերեց նոր դարաշրջանը ինչպես նաև Ռեֆորմացիան, որը շատ նշանակալի դերակատարում ունեցավ քրիստոնեական Եվրոպայի պատմության մեջ: Աշխատանքներ ունեցա նաև սովորողների հետ նաև հայոց պատմությունից մասնավորապես կարևորում եմ Արտաշեսյան և Երվանդական արքայատոհմերի պատմական, քաղաքական նշանակությունը մեր պատմության մեջ և սովորողների հետ փորձեցի գնահատել անցյալի դեպքերը ներկա պատմաքաղաքական իրավիճակի տեսանկյունից: Ավագ դպրոցում հիմնականում թեմաները վերաբերվում էին արվեստին ու հասարակագիտությանը, մշակույթին մասնավորապես կարևորում եմ սովորղների հետ Միքելանջելո Բուորանոտի գեղագիտական ժառանգության քննարկումը և վերլուծումը ժամանակակից արվեստի համատեքստում, նրա ավանդը գեղանկարչության և քանդակագործության մեջ: Նաև հետաքրքիր էր Աստվածաշնչյան սյուժեներից մեկի քննարկումը Կայենի մասին պատումը գեղարվեստական, գեղագիտական և բարոյական հարթություններում:
• Կարևորում եմ, որ փետրվարին մեկնարկեց Սերգեյ Փարաջանովի վերաբերյալ տարբեր նախագծեր, որի համակարգողներից մեկը ես եմ, ունեցանք երկու կինոդիտում ավագ դպրոցի սովորողների հետ և դեռ շարունակվում Սերգեյ Փարաջանով արվեստագետի բացահայտումը ոչ միայն կինոյի կոնտեքստում այլ նաև արվեստի այլ տիրույթում ինչպես նաև քաղաքական այլախոհ:
• Հետազոտական աշխատանքները սովորողների հետ ավագ դպրոցում

Ընդհանու առմամբ այս ամիսը ևս արդյունավետ եմ համարում, ինչպես նաև նորարական:

Համաշխարհային պատերազմի կովկասյան ճակատը

• Երբ է սկսվել առաջին աշխարհամարտը: Ում միջև էր պատերազմը
• Ներկայացրեք Օսմանյան կայսրության և Ռուսաստանի ռազմաքաղաքական ծրագրերը Մերձավոր Արևելքում:
• Ձեր կարծիքով ինչու Թուրքիան դարձավ Գերմանիայի դաշնակիցը
• Երբ է սկսվել պատերազմը Կովկասյան ճակատում:
• Երբ է տեղի ունեցել Սարիղամիշի ճակատամարտը: Պարզաբանեք դրա գլխավոր արդյունքները:
• Նշանակալի ինչ իրադարձություններ են տեղի ունեցել Կովկասյան ճակատում 1915թ
• Հայկական որ քաղաքաները գրավեց ռուսական բանակը 1916թ. ընթացքում:
• Էջ 112-116

Առաջին աշխարհամարտը 1914-1918թ

• Երբ է սկսվել առաջին աշխարհամարտը և որն էր այդ պատերազմի անմիջական առիթը
• Որ պետություններն էին մտնում Քառյակ դաշինքի մեջ:
• Որոնք էին Առաջին աշխարհամարտի գլխավոր ռազմաճակատները: Ուրիշ ինչ ռազմաճակատներ ձևավորվեցին:
• Ինչ ճակատամարտներ են տեղի ունեցել Առաջին համաշխարհային պատերազմի ընթացքում: Բնութագրեք դրանք:
• Որն էր Քառյակ միության թուլացման պատճառը:
• Երբ է և որտեղ է զինադադար կնքվել Գերմանիայի հետ:
• Ինչ զգացմունքներ արթնացրին ձեր մեջ Առաջին աշխարհամարտի հետևանքները: Ինչ եք կարծում հնարավոր է կանխել պատերազմները: Հիմնավորեք ձեր տեսակետը:
• էջ 136-143

Երվանդական Հայաստանի կազմավորումը և Աքեմենյան Պարսկաստանը

Հայոց Տիգրան Երվանդունի արքան և Պարսից Կյուրոս Բ Մեծ։

Բրիտանական գրավյուրա, 1788թ.

• Բնութագրեք թե ովքեր են Պարույր Սկայորդին, Երվանդ Սակավակյաց, Տիգրան Երվանդյանը, Կյուրոս Մեծը, Դարեհ առաջինը, Քսենոփոն, սատրապ, արքայական ճանապարհ
• Ինչպես հաջողվեց Պարույր Սկայորդուն ճանաչվել հայոց արքա և հաստատվել հայոց գահին:
• Ինչ դեր ունեցան Երվանդ Սակավակյացը և Տիգրան Երվանդյանը Հայաստանի ինքնուրույնության գործում:
• Ինչ մեթոդներ օգտագործեց Դարեհը իր կայսրության միասնականությունը պահելու համար: Ինչպես էր ազդում նրա քաղաքականությունը Հայաստանի վրա:
• Ինչպես հաջողվեց Երվանդական արքաներին պահպանել իրենց ինքնուրույնությունը սատրապության ժամանակաշրջանում:
• Նշիր և հիմնավորիր թե տնտեսական և ռազմական ինչ նշանակություն ուներ Հայաստանի համար Արքայական ճանապարհը

Արտաշեսյան Հայաստանի կազմավորումը. Արտաշես Առաջին

Արտաշեսյան արքայատոհմի դրոշը

• Բնութագրիր երկիշխանություն, ստրատեգոս հասկացությունները:
• Ովքեր են Արտաշես առաջինը և Զարեհը
• Երբ է տեղի ունեցել Մագնեսիայի ճակատամարտը
• Ով է Հաննիբալը և ինչ ներդրում ունի Արտաշատ մայրաքաղաքի կառուցման մեջ
• Ինչպես տապալվեց Երվանդունիների արքայատոհմը, ինչ նախադրյալներ կային դրա համար
• Ինչպես կբացատրես այն, որ Արտաշես առաջին արքայի ջանքերով միավորված հողերում բոլորը միալեզու էին
• Ինչ վերափոխություններ կատարեց Արտաշես առաջին արքան իր թագավորության դիրքն ու վարկանիշը բարձրացնելու համար
• Ինչպես էին ազդում Արտաշես առաջին արքայի վեարփոխությունները Հայաստանի արտաքին քաղաքականության վրա:
• Նշիր և հիմնավորիր թե ինչից ենք իմանում, որ Արտաշես առաջինի արքայի կառավարմամբ Մեծ Հայքը դարձավ տարաշրջանի ուժեղ և ազդեցիկ պետություններից մեկը:
• Էջ 72-77

Սերգեյ Փարաջանովը և նրա գեղագիտական ժառանգությունը

Նախաբան՝ Ծանոթանալ Սերգեյ Փարաջանովի գեղագիտական ժառանգության հետ, կինոյից մինչև կոլաժային արվեստ: Բացահայտել այն ոճային առանձնահատկությւնները, որոնք հատկանշական են Փարաջանովի կինոարվեստին և կոլաժներին: Վերլուծել նրա մշակութային գործունեությունը Խորհրդային ժամանակաշրջանում:

Խնդիր՝

• Պարզաբանել, բացահայտել Փարաջանովի պոետիկ կինոլեզվի առանձնահատկությունները իր հայտնի ֆիլմերում:
• Ծանոթանալ նաև նրա կոլաժային արվեստի հետ:
• Որպես քաղաքական այլախոհ ինչպես էր դրսևորում իր դիրքորոշումը Փարաջանով արվեստագետը:
• Ազգագրական տարրերի առկայությունը նրա ֆիլմերի մեջ:
• Ուսումնասիրել այն սիմվոլները, որոնք շատ են գործածվում Փարաջանովի ֆիլմերի մեջ մասնավորապես՝ նռան և խնձորի գերակայությունը:
• Ինչպիսի միֆեր էր ստեղծում և ինչու Փարաջանովը միշտ ընտրում էր միֆական, սիմվոլիկ սյուժեներ:

Ընթացքը՝

• Դիտել տարբեր տեսանյութեր, կարդալ տարատեսակ նյութեր որոնք կապված են Սերգեյ Փարաջանով կերպարի, ռեժիսորի և արվեստագետի հետ
• Վերլուծել ապա ներկայացնել Սերգեյ Փարաջանովի մշակութային ժառանգությունը պրեզենտացիայի տեսքով:
• Աշխատելու ենք ավագ դպրոցի և միջին դպրոցի սովորողների հետ:
• Այց դեպի Փարաջանովի թանգարան:
• Լինելու են կիոնդիտումներ Սերգեյ Փարաջանովի մասին, ինչպես նաև նրա հայտնի ֆիլմերը

Ակնկալվող արդյունք՝

• Սովորողների հետ վերաիմաստավորել այն մշակութային ժառանգությունը, որ թողեց Սերգեյ Փարաջանովը:
• Կրթահամալիրում ստեղծել Փարաջանով արվեստագետին նվիրված ամենամյա օրեր, որտեղ կքննարկվեն ու կներկայացվեն նրա ստեղծագործությունները

Տևողություն՝

• միջնաժամկետ

Հոդվածներ և տեսանյութեր Սերգեյ Փարաջանովի հետ կապված

• Նռան Գույնը ֆիլմը
• Լևոն Գրիգորյանի Նռան Գույնի տարբերակը
• Մոռացված նախնիների ստվերները ֆիլմը
• Լեգենդ Սուրամի ամրոցի մասին
• Ծանոթանալ վրացական այն միֆի հետ, որը կապված է Սուրամի ամրոցի հետ
• Ֆիլմ Աշուղ Ղարիբի մասին
• Ծանոթանալ Միխայիլ Լերմոնտովի Աշուղ Ղարիբ հեքիաթի տարբերակին
• Փարաջանովի պոետիկան ըստ Լևոն Աբրահամյանի
• Լևոն Աբրահամյանի հարցազրույցը Եգոր Գլումովի հետ Փարաջանովի կերպարի մասին
• Մարկ Պոլյակովը Սերգեյ Փարաջանովի մասին երկու մասից բաղկացած առաջին մաս, երկրորդ մաս:
• Անդրեյ Տարկովսկի և Սերգեյ Փարաջանով- երկու կղզիներ
• Չտեսնված կինո. Նռան Գույնը
• Լեդի Գագայի  911-ը և նրա ոգեշնչումը Նռան Գույնը ֆիլմից
• Դիտել իրանցի կինոռեժիսոր Մոհսեն Մահլամբաֆի Գաբեհ ֆիլմը և Նռան Գույնը ֆիլմի ազդեցությունը նրա վրա:

Ռեֆորմացիա

Տրիդենտի եկեղեցական ժողովը

• Ինչ էր ինդուլուգենցիան և ինչ նպատակի էր ծառայում:
• Երբ և որտեղ փակցվեցին Մարտին Լյութերի 95 դրույթները: Ինչի և ում դեմ էին ուղղված դրանք:
• Ովքեր ստացան բողոքական անվանումը և ինչու:
• Բացատրեք «Ում իշխանութունը, նրա էլ՝ հավատը» սկզբունքի իմաստը:
• Ով և երբ հրապարակեց գեարագահության մասին օրենքը Անգլիայում:
• Ով էր Ժան Կալվինը և ինչ էր քարոզում:
• Ինչ է Հակառեֆորմացիան: Երբ լույս տեսավ «Արգեկված գրքերի» առաջին ցուցակը:
• Ով էր Իգնատիոս Լոյոլան և ինչ հիմնեց:

Վերածնունդ

Ռաֆայել Սանտի-Սիքստինյան Տիրամայր

• Ինչ է նշանակում Վերածնունդ
• Որտեղ է սկզբանավորվել է Վերածննդի դարաշրջանը
• Ովքեր էին հումանիստները
• Ովքեր էին Ֆլորենցիայի երեք լուսատուները
• Որ ժամանակաշրջանն է կոչվում Բարձր Վերածնունդ և ինչու: Թվարկեք իտալական Բարձր Վերածննդի նշանավոր արվեստագետների:
• Ինչ է Հյուսիսային Վերածնունդհը: Թվարկեք դրա ներկայացուցիչների և նրանց հայտնի ստեղծագործություններ:
• Թոմաս Մորի ստեղծագործությունն ինչու էր կոչվում:
• էջ 130-134
• Գրքի հղումը

«Առանց սահմանի» Այ Վեյվեյը կորսվաժ մարդկայնության և աշխարհների միջև գոյության մասին

• Կարդալ հոդվածը
• Քննարկել լսարանում կարևոր արժեքները որոնք վերաբերվում են ստեղծագործող մարդու և գործող կառավարության միջև հարաբերություններին
• Օտարի և յուրայինի ընկալումը տարբեր հասարակություններում:
• Արդյոք արվեստագետը պատկանում է մի հանրության կամ ազգի այլ ոչ թե համընդհանուր մարդկային հասարակությանը:

Արևելքի ավանդական հասարակությունները (Հնդկասատան և Չինաստան)

• Ինչ կաստաներ կային Հնդկաստանում հնուց ի վեր: Փորձեք նկարագրել հնդկական հասարակությունը:
• Ինչու եվրոպացիների միջև դաժան մրցակցություն ծավալվեց Հնդկաստանը նվաճելու համար: Որ երկրները և ինչ ընկերություններ ստեղծեցին Հնդկաստանում: Ինչ դեր էին խաղում հայերը Հնդկաստանի կյանքում Նոր ժամանակների առաջին փուլում:
• Երբ է տեղի ունեցել անկախության համար հնդիկների առաջին պատերազմը: Ինչով այն ավարտվեց:
• Ձեր կարծիքով ինչու անգլիացիներին հաջողվեց նվաճել Հնդկաստանը: Ինչ նշանակություն ուներ Հնդկաստանը Մեծ Բրիտանիայի համար:
• Ներկայացրեք Նոր դարերի սկզբի Չինաստանը: Ինչու էր երկիրը փակվել եվրոպացիների առջև:
• Երբ է տեղի ունեցել Ափիոնի առաջին պատերազմը, որն էր դրա գլխավոր պատճառը: Ինչ պայմանագիր կնքվեց պատերազմի ավարտին. ներկայացրեք դրա հիմնական պայմանները:
• Որ երկրները Չինաստանի հետ նման պայմանագիր կնքեցին և ինչու
• էջ 54-5չ

Արևելքի ավանդական հասարակությունները (Օսմանյան կայսրություն և Իրան)

Թուրքմենչայի պայմանագիրի ստորագրումը

• Ինչ է ավանդական հասարակությունը: Որոնք են դրա բնորոշ կողմերը:
• Թվարկեք ավանդական մի քանի երկրներ: Ձեր կարծիքով Հայաստանը մտնում էր այդ երկրների շարքը:
• Ներկայացրեք Օսմանյան կայսրության վիճակը նոր ժամանակների սկզբին: Ինչպիսին էր հայերի դրությունը կայսրությունում:
• Փաստերով հիմնավորեք, որ Օսմանյան կայսրության վիճակը նոր ժամանակների սկզբին: Ինչպիսին էր հայերի դրությունը կայսրությունում:
• Փաստերով հիմնավորեք, որ Օսմանյան կայսրությունը Նոր դարերում գնալով թուլանում էր: Տվեք Արևելյան հարցի բացատրությունը:
• Երբ սկսվեցին բարենորոգումներ իրականացվել Օսմանյան կայսրությունում: Ինչ է թանզիմաթը, ինչու այն հաջողություն չունեցավ:
• Ներկայացրեք Իրանի կառավարման համակարգը: Երբ անկում ապրեց Սեֆյան արքայատոհմը: Ինչով է հայտնի Նադիր շահը: Երբ և ում կողմից է հաստատվել Ղաջարների հարստությունը:
• Ներկայացրեք ռուս-իրականական հակամարտության արդյունքները 19-րդ դարի առաջին կեսին: Վերհիշեք Հայոց պատմությունից ռուս-պարսկական պատերազմների մասին ձեր սովորածը:
• Երբ կնքվեց անգլո-իրանական առևտրական պայմանագիրը և ինչ հետևանք ունեցավ: